Navigation




| loop # www.imloop.de

loop #502

winter of loop

 

De Strôde

Eers' im Februor 1948 köm ik t'rürge ud'e Gefangenschaft in Rußland. "Good, dat et nu vebi ist!", dachte ik.
To Hus töifte mîne Fro ub mi: wi ha'n vör veer Johr heirotet. Us't irste Kind ha'k noch gor nich seen. De Junge wör al dree Johr olt! Mîne Fro ha de ganze Tîd bi mîne Öllern ub'n Hoff arbeitet. Se wohnt'n ub'n Dörpe twüschn Neenborgc un Bräm. Strôdn geef et dor noch nich, man bloß Feldwäge!
De Femilie möss üm'eteen, denn dat Fachwark- un Strohdakhus wör olt un wüte bold affrädn. Us't füffte Kind wör nu een Johr olt un wi tögn twe Hüser vidder, pachtetn wedder 'n lütjen Buurnhoff von densülbign Eegentümer: den hörte dat halbe Dörp.
Fief Kaih ha'n wi un veköftn Mölk, Kurn to'n Môhln, un fedde Jeltn: dorför geef et önnigc Geld! Vör'n Huse leegc de groode Gorn un ub'n Acker wüssn Ketüffeln, de insackt un nô Bräm veköfft wüttn, wo eene Schwester von mi henheirôtet ha. Êr irste Mann wör in Rußland vemißt un köm nich wedder. Se ha' een Brämer kenn'leert, de utbombt wän wör un 'ne Tîd lang in'e Nôhborschap wôhnte.
De Strôde vör'n Hus wütte jedet Johr notdöftic mid Teer un Kies flickt: dat mög een Swôger von mi, de an'e Strôde arbeitn dö. Mid de Kinner spälte he 'Schinknklôbn, un im Fotoalbum wör he in ködn Böxn ünner 'ne Palm to seen: ub Kreta wör he wän im Kriegc.
De 'Flickwarkstrôde' ub'n Zägnbargc wütte överteert un gladd mogt. Dat mök eene groode Meschin, un de brukte nich lang dorto! Ik häb et kaum noch midkrägn un bloß vom Fenster ud seen, wör bettlägrigc wurn un leegc al monôtelang in dat smôle Zimmer, wo bloß een Bedde rin paßte. Asthmô ha ik un wör im Kriegc dreemôl vewun't wurn. Grenôtsplidder wannertn nô't Harre un ünner de Ribbn wör 'n groodet Lôk, wo de Kinner êre Fuus rinlägn könn'.
In Schapp bi de Wäsche leegc 'Pünktchen un Anton': dat Book woll ik noch läsn! Doch wör't vebi mid mi: keene twintigc Johr bin ik wedder to Hus wän. Un mîne Öllern wüttn olt.

 
GŁTeE - Plattland - 17. Januar 2017 22:07 Uhr
 

Die Glocke

Die Freiheitsglocke

 
GŁTeE - Amerika - 17. Januar 2017 19:43 Uhr
 

Ansichten

 
monik sos - von den Reisen - 15. Januar 2017 1:20 Uhr